對於燒酒，尚未正式學習。這次慢遊九州之旅，卻深深愛上對冰水冰塊品飲的燒灼酒~芳香、單純、容易暢飲，也帶回各地燒酒，就用維基百科上的資料當註解吧!!
這次九州帶回的燒酒系，由左至右分別為：
薩摩鄉中 本格芋燒酌 /鹿兒島
魔女の惡戰 麥燒酌 /佐賀
玄米茶燒灼 /佐賀
七窪 本格芋燒酌 /鹿兒島
南之方 本格芋燒酌 /鹿兒島
鹿兒島白波本格燒酒綜合版
(以下文出自維基百科，自由的百科全書)
日式燒酒，日文叫燒酎（shōchū），係一種蒸餾酒。通常使用大米麯，亦會用到大麥、番薯或者蕎麥製麯，加水同酵母，再加大米、大麥、番薯、蕎麥、黑糖、芝麻、糖蜜等主要原料中的一、兩種，釀製之後蒸餾，熟化，將酒精濃度調整到45度或者以下而成。家下酒精濃度25度的最暢銷。根據蒸餾方法分爲單式蒸餾燒酎（乙類）同埋連續式蒸餾燒酎（甲類）。傳統的單式蒸餾燒酎中，除咗水之外無加任何嘢的可叫「本格燒酎」（honkaku shōchū，即係正式燒酒）。
單式蒸餾燒酎（乙類）[編輯]
泡盛
日文叫「泡盛」（awamori）或者「琉球泡盛」（Ryūkyū awamori）。使用大米黑麯，加水釀製，蒸餾一次，熟化的。可能係喺暹羅傳到琉球的傳統式燒酒。產地只限沖繩縣。
番薯燒酒
日文叫「芋燒酎」（imo jōchū）。通常使用大米麯，亦會用到番薯麯，加水釀製，再加番薯釀製，蒸餾一次的。主要產地係鹿兒島縣，東京都八丈島、茨城縣亦有廠家。鹿兒島人鍾意喺熱水中加番薯燒酒飲。
大麥燒酒
日文叫「麥燒酎」（mugi shōchū）。通常使用大米麯，亦會用到大麥麯，加水釀製，再加大麥釀製，蒸餾一次的。傳統產地係長崎縣壹岐諸島，家下主要產地係大分縣、鹿兒島縣、宮崎縣等。
大米燒酒
日文叫「米燒酎」（kome shōchū）。使用大米麯，加水釀製，再加大米釀製，蒸餾一次的。傳統產地係熊本縣球磨地方，當地生產的叫「球磨燒酎」（Kuma jōchū）。家下亦有其他產地。
黑糖燒酒
日文叫「黑糖燒酎」（kokutō shōchū）或者「奄美黑糖燒酎」（Amami kokutō shōchū）。使用大米黑麯，加水釀製，再加溶於熱水的黑糖釀製，蒸餾一次，熟化的。二戰時缺乏大米，泡盛廠家一部分改用特產黑糖製造的。產地只限鹿兒島縣奄美群島。
蕎麥燒酒
日文叫「蕎麥燒酎”」（soba jōchū）。通常使用大米麯，亦會用到蕎麥麯，加水釀製，再加蕎麥釀製，蒸餾一次的。主要產地係宮崎縣，長野縣、北海道亦有廠家。
粕取燒酒
日文叫「粕取燒酎」（kasutori shōchū）。使用大米麯，加水釀製，再加大米釀製，壓去清酒之後，將酒粕蒸餾一次的。主要產地係福岡縣，新潟縣等亦有廠家。
其他燒酒
通常使用大米麯，加水釀製，再加大米同部分芝麻、栗子、薯仔、粟米、紫蘇等唔同原料的一種釀製，蒸餾一次的。主要喺添加的副原料的產地生産。
連續式蒸餾燒酎（甲類）
通常使用大米麯，加水釀製，再加糖蜜、粟米、澱粉等釀製，使用連續式蒸餾器，通常減壓蒸餾一次的。提取酒精的效率高，成本低，不過缺乏原料的香味。主要由喺東京都、京都府、大分縣等的大酒廠生產，喺韓國亦有廠家。
甲乙混和燒酎
因爲連續式蒸餾燒酎（甲類）缺乏原料的香味，混合部分單式蒸餾燒酎（乙類）添加香味的。主要由喺東京都、京都府、大分縣等的大酒廠生產。
其他分類
原酒 – 熟化前的，或者酒精濃度大約40度的，無稀釋的燒酒。
無過濾 – 無過濾的原酒。
古酒 – 蒸餾後熟化三年或以上的燒酒。
初餾 – 蒸餾的初期分離出嚟的燒酒。原本酒精濃度高達50或60度，按法律規定加水到45度以下出廠。如果直接出廠，屬於烈性酒（spirits）。
Diana品酒遊世界 
發表迴響